«Վրաստանի դեսպանատանը խոստացան, որ պաշտոնական Թբիլիսին հանդես կգա հայտարարությամբ»․ Գայանե Պողոսյան

ՀՀ-ում Վրաստանի դեսպանատան դիմաց բողոքի ակցիա իրականացնող կոնյակագործները հանդիպել են Վրաստանի դեսպանին։

Կոնյակի գործարաններից մեկի արտահանման մասնագետ Գայանե Պողոսյանը հայտնել է․ «Վրաստանի դեսպանի հետ հանդիպեցինք, խոստացել են, որ մոտ ժամանակներս պաշտոնական Թբիլիսին հանդես կգա հայտարարությամբ։ Դեսպանատունն արդեն դիմել է Վրաստանին, սպասում են պատասխանի։ Մեր կոնտակտները վերցրել են և խոստացել, որ կապ կհաստատեն, հակառակ պարագայում մենք շարունակելու ենք մեր ակցիաները»։