«Դուք այլևս վարչապետի օգնականը չեք, դուրս եկեք նախկին կարգավիճակից»․ Աղվան Վարդանյանը՝ Աննա Վարդապետյանին

Այսօր ԱԺ-ում ընդդիմադիր պատգամավորներ Աղվան Վարդանյանը և Արծվիկ Մինասյանը փորձեցին ճշտել, թե ՀՀ գլխավոր դատախազ Աննա Վարդապետյանը «ի՞նչ անուն կտա Նիկոլ Փաշինյանի վարքագծին», որը դրսևորվեց երեկ ԱԺ-ում՝ հարցուպատասխանի ժամանակ։ «ՀՀ ՔՕ-ով ինչպե՞ս կբնութագրեք Նիկոլ Փաշինյանի երեկվա վարքագիծն ԱԺ-ում՝ անհանդուրժողականությունը, սպառնալիքները պաշտոնատար անձանց՝ ԱԺ պատգամավորների նկատմամբ»,- հարցրեց Աղվան Վարդանյանը։
«Գլխավոր դատախազը քաղաքական հայտարարություններ չի անում ու քաղաքական գնահատականներ չի տալիս»,- հայտարարեց Վարդապետյանը։

Աղվան Վարդանյանը նկատեց. «Դուք այլևս վարչապետի օգնականը չեք, Դուք ՀՀ գլխավոր դատախազն եք, ասեմ, որ համազգեստը ձեզ շատ սազում է, ձեզ կհորդորեի դուրս գալ նախկին կարգավիճակից, որովհետև Քրեական օրենսգրքում կան նաև հոդվածներ՝ պարտականությունները չկատարելու կամ ոչ լիարժեք կատարելու մասին»։

Աննա Վարդապետյանն ասաց, որ չի արձագանքում քաղաքական հայտարարությանը։
Արծվիկ Մինասյանի հարցին ի պատասխան նույն միտքը հնչեց․ «Մենք քաղաքական գնահատական չենք տալիս»։
Արծվիկ Մինասյանի խոսքով իրենք քաղաքական գնահատական չեն անկալում, այլ՝ իրավական․ «Երեկ քրեորեն պատժելի արարաքների հեղինակ դարձավ Նիկոլ Փաշինյանը՝ ընդդիմությանը մեղադրելով լրտեսության մեջ, սպառնալով որ կնեստեցնի»,- ասաց Մինասյանը։