«Սյունիքում վախի մթնոլորտ չկա, մենք կառչած ենք այս հողին». Առուշ Առուշանյան

«Փողոցում կա մի հասկացողություն՝ օդ կրակող մարդկանց դիտարկում են որպես ամենացածր «պերսոնի»՝ ոչ մի բան: Հիմա մեր թշնամին օդ է կրակում, և եթե օդ է կրակում, դրան անլուրջ պետք է նայենք»,- լրագրողների հետ զրույցում ասել է Գորիսի քաղաքապետ Առուշ Առուշանյանը՝ անդրադառնալով ադրբեջանական կողմից վերջին շրջանում Սյունիքի որոշ սահմանամերձ գյուղերում պարբերաբար լսվող կրակոցներին:

Անդրադառնալով այն դիտարկմանը, որ ոչ միայն օդ են կրակում, այլ նաև տներ են վնասվել կրակոցներից, Առուշանյանը պատասխանեց. «Հավաստիացնում եմ, որ վախի մթնոլորտ չկա այստեղ․․․ Ցանկացած իրավիճակում մնալու ենք այստեղ․․․ Մենք կառչած ենք այս հողից, մենք սյունեցի ենք, մեր կյանքն էլ տալու ենք այս հողին»: