«Արցախցիների՝ քաղաքացի չդառնալու պնդումները չափազանցված են»․ Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը․ «Արցախցիների՝ անձնագրերը չփոխելու, հիմա՝ քաղաքացի չդառնալու պնդումները չափազանցված են։ Եթե 070 կոդով անձնագիր կամ հաշվառում ունեցած մարդկանց թիվը համարենք 150 հազար, ապա նրանցից այսօր (կառավարության 2023թ. հոկտ. 26֊ի որոշում հաշվի առնելով) իմ գնահատականով ՀՀ քաղաքացի է մոտ 50 հազարը։ Քաղաքացիություն ստացել են 8 հազար չափահաս անձ, Արցախի տարբեր շրջաններում բնակվում էր մոտ 35 հազար մարդ, որոնք առաջին անձնագիրը ստացել էին ՀՀ֊ում և քաղաքացիությունը վերահաստատվել է ինքնաբերաբար։ Հետևաբար, կեղծ պնդումների վրա կենտրոնանալու փոխարեն լավ կլինի մտածել՝ ինչպես օգտագործենք մարդկանց ներուժը տարբեր ազգային խնդիրներ լուծելու համար»։