«ՀՀ պետականությունը մազից է կախված, ղեկավարներն ու ՊՆ սպաները հեծանվավազքով են զբաղված»․ Միհրան Մախսուդյան

«Ադրբեջանն ապատեղեկատվություն է տարածում՝ փորձելով աշխարհին ցույց տալ, թե իբր Հայաստանը պատրաստվում է պատերազմի։ Բաքուն մեր դեմ կեղտոտ գործի է պատրաստվում։ Եթե Իրանի դեմ պատերազմ սկսվի, Ադրբեջանը Հայաստանի դեմ առանձին ուղղություններով փոքր գործողություններ կիրականացնի․․․ Հնարավոր վտանգներ տեսնում եմ, որ Սյունիքի և այլ ուղղություններով Ադրբեջանը փորձելու է ճնշում գործադրել ՀՀ-ի վրա»,- «24 Նյուզ»-ի հետ զրույցում այս տեսակետը հայտնեց պահեստազորի գնդապետ Միհրան Մախսուդյանը՝ հավելելով՝ Ադրբեջանի հետ այդպիսի պայմանավորվածության գնալը Փաշինյանից հեռու չէ։ Նրա դիտարկմամբ՝ չի բացառվում, որ այդ գործողությունները լինեն «ՀՀ թուրքահպատակ ղեկավարների խնդրանքով, որպեսզի կարողանան իրենց իշխանությունը պահել»։

«ՀՀ պետականությունը մազից է կախված․․․ Պետք է մեր երկիրը պատրաստել պատերազմի։ Ադրբեջանը կյանքում խաղաղության պայմանագիր չի կնքի, եթե անգամ Սյունիքը վերցնի, ապա Վայոց ձորն է ուզելու, Երևանն է ուզելու, ադրբեջանցիներն Ալիևի նման անկուշտ շներ են․․․ Մեզ պետք է ազգը համախմբվի, պատրաստվի պատերազմի․․․

Ադրբեջանը զորավարժություններ է իրականացնում, զենք է գնում, պատերազմի է պատրաստվում իսկ մեր ՊՆ սպաները հեծանվավազքով են զբաղված, գլուխ են գովում, թե 50 կմ հեծանիվ քշեցինք․․․ Երկիրը պատրաստե՛ք պատերազմի, խելքներդ հեծանիվին եք տվել, հերիք եղավ ժողովրդին ստերով սնեք»,- ընդգծեց Մախսուդյանը։