«Շնորհակալ եմ ՔՊ-ին, որ Ասլանյանին վերադարձրեց Ասլանյանին». Հակոբ Ասլանյան

«ՔՊ-ից իմ դուրս գալը կապված է նրա հետ, որ ՔՊ-ն շեղվել է հեղափոխական սկզբունքներից: Իրենք գնում են ուրիշ ուղղությամբ. մենք ՔՊ-ի հետ նույն ճանապարհը չենք կարող գնալ»,- «Ավտոբուսի» գործով դատական նիստից հետո, լրագրողների հետ զրույցում, ասաց պատգամավոր Հակոբ Ասլանյանը: «Ես ՔՊ-ից վիրավորված չեմ: Մի առիթով ասել եմ՝ շնորհակալ եմ ՔՊ-ին, որ Ասլանյանին վերադարձրեց Ասլանյանին»,- նշեց նա: Հարցին՝ ի՞նչն էին ձեզնից գողացել, որ վերադարձրին, ասաց. «Այդ տարիների ընթացքում շատ հարցերում, երբ ես ներսում համաձայն չեմ եղել, բայց որպես խմբակցության անդամ, ստիպված եմ եղել կողմ քվեարկելու, դա ինձ նեղացրել է»: