«Երևանի քաղաքապետարանը տրամադրել է սուտ տեղեկատվություն՝ իրենց ապօրինությունը քողարկելու համար»․ Արթուր Չախոյան

Բլոգեր Արթուր Չախոյանը ֆեյսբուքյան էջում կադրեր է հրապարակել՝ կից գրառմամբ․ «5 օր առաջ հրապարակում էի արել՝ Նոր Նորք վարչական շրջանում ապօրինի մայթի և այգու սեփականաշնորհման, ինչպես նաև այդ տարածքում ՎՈԼՎՈ ավտոսրահի կառուցման վերաբերյալ Նիկոլ Փաշինյանին ուղղված իմ դիմումի պատասխան չստանալու մասին։
Հանրային հնչողություն ստանալուց հետո՝ վերջապես ստացա դիմումիս պատասխանը։
Պատասխանում նշվում է, որ ՎՈԼՎՈ ավտոսրահի նախագծման և շինթույլտվությունը տրվել է դեռ 2017թ-ին։ Կարճ ասած՝ իրենց խոսքերով՝ «նախկիններն են մեղավոր»։
Սակայն իմ ձեռքում առկա են թե՛ նախագծման, թե՛ շինթույլտվության օրինական պատճենները, որոնք փաստում են, որ այդ գործընթացները տեղի են ունեցել ոչ թե 2017թ-ին, այլ 2024թ-ին։
Ստացվում է, որ Երևանի քաղաքապետարանը տրամադրել է ոչ պատշաճ, իրականությանը չհամապատասխանող, սուտ տեղեկատվություն՝ իրենց ապօրինությունը քողարկելու համար։
Արդյունքում՝ Երևանի քաղաքապետարանը գնում է ամեն ստոր քայլի
* Դատարան չներկայացնելով հայց՝ 60-րդ հոդվածի համաձայն՝ օտարման ոչ ենթակա մայթի և այգու սեփականաշնորհումը անվավեր ճանաչելու վերաբերյալ։
* Որպեսզի ոչ մի խոչընդոտ չլինի ՎՈԼՎՈ ավտոսրահի շինարարությունը հնարավորինս շուտ ավարտելու համար՝
որպեսզի հետագայում, եթե նույնիսկ դատարանը որոշի, որ այդ սեփականաշնորհումը եղել է ապօրինի և այգին պետք է վերադարձվի համայնքին, այդ ընթացքում ավտոսրահը արդեն կառուցված լինի, և համայնքին հասցված վնասը վերականգնելն այլևս անհնար դառնա։
Հետո էլ գլուխները թափ տալով ասեն՝ «ամեն ինչ օրենքով է»։
Բացի այդ, այն մասին, ինչի մասին բազմիցս խոսել եմ՝ նոր գլխավոր հատակագծի վերաբերյալ, դիմումում հստակ նշվում է, որ 2024թ․ սեպտեմբերի 10-ին Երևանի ավագանու կողմից հաստատված նոր գլխավոր հատակագծով այդ այգու տարածքը արդեն նշված է որպես «հասարակական կառուցապատման գոտի»։
Այսինքն՝ ըստ նոր հատակագծի՝ «ամեն ինչ օրենքով է», մոռացեք մայթի և այգու մասին։ Ավագանին դաբրոն տվել է՝ ինչ ուզեն, կանեն։
Նիկոլ Փաշինյան, կոռուպցիան հո պոզով պոչով կենդանի չի, որ սուտ տեղեկատվություն է տրամադրում։
Բա կոռուպցիան հենց սենց է լինում։
* Ինչպես որ նշել էի, քաղաքապետարանը չգիտի ինչ պատասխանի իմ դիմումին, խոսքերս վերահաստատվեց այս ֆեյք կեղծ դիմումի պատասխանով։

Տվյալ դեպքի վերաբերյալ տեսանյութը՝ ստորև»։