Եգիպտոսում սուզանավի խորտակման պատճառով 6 մարդ է մահացել

Հուրգադայի (Եգիպտոս) ափերի մոտ զբոսաշրջային սուզանավ է խորտակվել, կա 6 զոհ, որից 4-ը՝ ՌԴ քաղաքացի։

Միջադեպի հետևանքով տուժել է 9 մարդ, 4-ը ծայրահեղ ծանր վիճակում են:

«Սինդբադ» զբոսաշրջային սուզանավում խորտակման պահին եղել է տարբեր ազգության 44 ուղևոր:

Ողբերգության նախնական պատճառն այն է, որ նավավարներից մեկը կորցրել է կառավարումը և բախվել խութերին։ Սուզանավը շրջվել է, իսկ խցիկն ապահերմետիկացվել է։