«Ամեն զիջումների գնում եք, որ մի հատ թղթի կտոր մուրաք, որի վրա գրված լինի խաղաղություն». Արթուր Խաչատրյան

ԱԺ «Հայաստան» խմբակցության ներկայացրած «Պետական կենսաթոշակների մասին» օրենքում լրացումներ կատարելու նախագծի քննարկման ժամանակ ելույթ ունեցավ Արթուր Խաչատրյանը: «Ասում ենք՝ օրենքով պարտադրենք Կառավարությանը թոշակառուներին էսքան գումար վճարել, ասում են՝ դե ծրագրում գրած ա: Ծրագրի կատարողականի չկատարելու դեպքում ի՞նչ ա լինելու: Գնալու եք, ասելու եք՝ մենք էս ենք խոստացել, էն ենք խոստացել, խաղաղություն ենք խոստացել: Դրա համար հիմա ամեն զիջումների գնում եք, որ մի հատ թղթի կտոր մուրաք, որի վրա գրված լինի «խաղաղություն»: Ասում եք՝ 2024-ը խաղաղություն է եղել, կրակոցները քիչ են եղել. ինչ ուզել են՝ տվել եք, ինչո՞ւ ուժով պոկեն»,- ասաց Խաչատրյանը:

Հիշեցնենք՝ առաջարկվում է 2026-ի հունվարի 1-ից նվազագույն կենսաթոշակի չափը սահմանել այնպես, որ պակաս չլինի պարենային զամբյուղի ամսական արժեքից, իսկ միջին աշխատանքային կենսաթոշակի չափը պակաս չլինի սպառողական զամբյուղի ամսական արժեքից: Առաջարկվում է նաև սպառողական զամբյուղների էներգետիկ արժեքը, սննդամթերքի կազմը սահմանելու իրավասությունը վերապահել Կառավարությանը, իսկ որպես հաշվարկի հիմք առաջարկվում է օրենքում կատարել փոփոխություն: ՀՀ աշխատանքի և սոցիալական հարցերի փոխնախարարն ասել է, որ նախագծի ընդունումը նպատակահարմար չէ. Կառավարության հնգամյա ծրագրով սոցիալական ոլորտին առնչվող հանձնառություններն իրականացվում են ըստ պլանավորածի: