ՄԱԿ-ը կոչ է արել դադարեցնել Եմենում բոլոր ռազմական գործողությունները

ՄԱԿ-ը մտահոգությամբ է հետևում Եմենի վրա ԱՄՆ-ի հարվածներին և կոչ է անում առավելագույն զսպվածություն ցուցաբերել ու դադարեցնել բոլոր ռազմական գործողությունները, հայտնում է կազմակերպության գլխավոր քարտուղարի գրասենյակը։
«Մենք մտահոգությամբ ենք նշում Միացյալ Նահանգների կողմից Եմենի հութիների վերահսկողության տակ գտնվող շրջաններին հասցված բազմաթիվ հարվածները, որոնք հանգեցրել են զոհերի և վիրավորների։

Գլխավոր քարտուղարի գրասենյակը զգուշացրել է, որ էսկալացիան կարող է էլ ավելի սրել տարածաշրջանային լարվածությունն ու ապակայունացնել իրավիճակը Եմենում։

Ավելի վաղ Թրամփը հայտարարել էր, որ ԱՄՆ զինվորականներին հրամայել է «վճռական և հզոր» գործողություններ ձեռնարկել շիա Անսար Ալլահ (Հութի) շարժման դեմ, որը վերահսկում է Եմենի հյուսիսային մասը։ Թրամփը նաև Իրանին կոչ էր արել դադարեցնել հութիներին աջակցելը և չսպառնալ «ամերիկյան ժողովրդին ու նրա նախագահին»։