«ԵՄ-ն և Ռուսաստանը միայնակ թողեցին հայ ժողովրդին»․ ԵԽ պատգամավոր

Ադրբեջանական հարձակման ժամանակ թե՛ ԵՄ-ն, թե՛ Ռուսաստանը միայնակ թողեցին հայ ժողովրդին։ Այս մասին հայտարարել է Գերմանիան ներկայացնող Եվրոխորհրդարանի պատգամավոր Թոմաս Ֆրյոհլիխը՝ Ստրասբուրգում կայացած ԵԽ լիագումար նիստին, որտեղ քննարկվել է Բաքվում պահվող հայ գերիների հարցը։

«Հարյուր հազարավոր հայեր ստիպված են եղել փախչել, նրանցից ոմանք այսօր գերեվարված են: Այսօր մենք ականատես ենք լինոում աշխարհի առաջին քրիստոնյա երկրի մշակութային ժառանգության համակարգված ոչնչացմանը: Բայց ինչո՞ւ մենք այդքան քիչ ենք լսում այդ մասին:

Հարավային Կովկասում կայունությունը բխում է ԵՄ շահերից։ Մեզ պետք են խաղաղ բանակցություններ և պատշաճ վերաբերմունք հայ գերիների, հայ ժողովրդի և հայկական մշակութային ժառանգության նկատմամբ», հայտնել է ԵԽ պատգամավորը: