«ԱՄՆ-ի կողմից աջակցության դադարեցումը Կիևին կարող է մղել խաղաղության գործընթացի»․ Պեսկով

Եթե ​​ԱՄՆ-ն իսկապես որոշել է դադարեցնել ռազմական օգնությունն Ուկրաինային, դա կարող է Կիևի վարչակարգին մղել խաղաղության գործընթացի: Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։

Ավելի վաղ ԱՄՆ նախագահ Դոնալդ Թրամփը հրամայել էր դադարեցնել Կիևին ռազմական օգնության բոլոր մատակարարումները:

«Իհարկե, մանրամասները դեռ պետք է հստակեցվեն, բայց եթե դա ճիշտ է, ապա այս որոշումն իսկապես կարող է Կիևի ռեժիմին մղել դեպի խաղաղության գործընթաց»,- ասել է Կրեմլի խոսնակը։