«Զազրելի և ամենատարօրինակ երևույթներից մեկն է»․ Տիգրան Ավինյան

«Բժիշկների նկատմամբ բռնությունը մեր հասարակության մեջ առկա ամենատարօրինակ երևույթներից մեկն է, որը լավ բան չի խոսում մեր մասին, մեր հանրության մասին»,- գործակարգավարական խորհրդակցության ժամանակ ասաց քաղաքապետ Տիգրան Ավինյանը՝ անդրադառնալով օրերս մայրաքաղաքում շտապօգնության աշխատակցի նկատմամբ բռնության դեպքին։ «Մենք բարձրաձայնելու, դրա մասին հաճախակի խոսելու կարիք ունենք։ Ամեն նման դեպք պետք է արժանանա համապատասխան վերաբերմունքի՝ և՛ խոսքով, և՛ իրավապահ համակարգի կողմից։ Զազրելի է, ուղղակի ամոթ է»,- հավելեց Ավինյանը։