«Պատրաստ եմ էներգիաս փոխանցել նաև եվրոտեսիլյան բեմից». Պարգ

«Շնորհակալ եմ բոլորին, ովքեր ընտրել են ինձ: Առջևում աշխատանքային լարված ու հագեցած ամիսներ են: Կրկնակի էներգիա եմ ցույց տալու եվրոտեսիլյան բեմից, քանի որ ունեմ մեջս կուտակած»,- ասուլիսի ժամանակ ասել է Եվրոտեսիլում Հայաստանի պատվիրակ Պարգը՝ Պարգև Վարդանյանը:

Հիշեցնենք՝ «Դեպի Եվրոտեսիլ» մրցույթն ամփոփել է արդյունքները: 2025 թվականին եվրոպական երգի մրցույթում Հայաստանի ներկայացուցիչը Պարգն է: Նա կներկայանա «Survivor» երգով:

Պարգը ծնվել է Գեղարքունիքի մարզի Հայրավանքում գյուղում։ Նրա երաժշտական առաջին փորձը եղել է տեղի եկեղեցու երգչախմբում մինչև վեց տարեկան հասակը: Պարգը և նրա ընտանիքը տեղափոխվել են Վոլգոգրադ, երբ նա դեռ փոքր է եղել: Հաճախել է Վոլգոգրադի պետական թատրոնի և կինոյի ինստիտուտ։ Այնտեղ նաև համահիմնադրել է The Edge Chronicles անվանումով խումբը։ 2017-2019 թվականների ընթացքում խումբը հյուրախաղերով հանդես է եկել Հայաստանում, Ռուսաստանում, Վրաստանում և Ուկրաինայում։

Պարգը 2022 թվականին վերադարձել է Հայաստան։