«2019-ին համանախագահների կողմից եղել է առաջարկ, որը դու դավադրաբար թաքցրել ես». Նաիրա Զոհրաբյան

ՀՀԿ փոխնախագահ Արմեն Աշոտյանի գործով դատական նիստից առաջ նախկին պատգամավոր Նաիրա Զոհրաբյանը պատասխանել է լրագրողների հարցերին: Անդրադառնալով Նիկոլ Փաշինյանի՝ բանակցային փաթեթի վերաբերյալ հայտարարությանը, ասել է. «Էդ որ ասում ա՝ չեմ կարում գտնեմ, մեկը կանդիցիաների մեջ ա, մյուսը՝ սառնարանի ոտի տակ, բա որ տենց ա, էդ Կապանում որ թափահարում էիր, նշանակում է՝ կանդիցիաների միջից հանել էիր չէ՞ օրինակ Մադրիդյան սկզբունքները: Լավ, ասենք թե նախկին բանակցայինը չես գտնում, քո պաշտոնն ստանձնելուց մեկ տարի հետո՝ 2019-ի ապրիլին, համանախագահների կողմից եղել է առաջարկ, որը դավադրաբար թաքցրել ես ժողովրդից: Ասել ես՝ ինչ ուզում եմ բանակցում, ոչ մի բան էլ չեմ բանակցում, ոչ մի առաջարկ էլ չկա: 2019-ի հունիսին քեզ ներկայացվել է ապրիլյան առաջարկի մոդիֆիկացված տարբերակը, որով ԼՂ-ն, Լաչինի և Քելբաջարի ամբողջ շրջանները մնում էին հայկական վերահսկողության տակ, իսկ վերադարձված հինգ շրջաններում տեղակայվում էին խաղաղապահներ, ու տարիներով էս վիճակը մնալու էր, որը նշանակելու էր, որ Արցախը հայկական էր մնալու»: Զոհրաբյանի խոսքով՝ փաստաթուղթը նետելով մի կողմ, Փաշինյանը բերել է պատերազմ:

Մանրամասները՝ տեսանյութում: