«Մարսելում տեղի ունեցած պայթյունն ունի ահաբեկչական հարձակման բոլոր նշանները»․ Զախարովա

Մարսելում ՌԴ հյուպատոսարանի մոտ տեղի է ունեցել պայթյուն։ Նախնական տվյալներով՝ տուժածներ չկան։ Հայտնում է BFMTV հեռուստաալիքը։

Դեպքի վայր են ժամանել հրշեջներն ու ոստիկանները։

Անդրադառնալով տեղի ունեցածին՝ ՌԴ ԱԳՆ պաշտոնական ներկայացուցիչ Մարիա Զախարովան նշել է, որ «Մարսելում Ռուսաստանի գլխավոր հյուպատոսության տարածքում տեղի ունեցած պայթյուններն ունեն ահաբեկչական հարձակման բոլոր նշանները»։
Մոսկվան Ֆրանսիայից պահանջում է համալիր միջոցներ ձեռնարկել՝ պատշաճ հետաքննություն անցկացնելու համար։