«Ռուսական ԱԹՍ-ները հարվածել են Չեռնոբիլի ատոմակայանին»․ Զելենսկի

Վլադիմիր Զելենսկին հայտնել է, որ ռուսական ԱԹՍ-ները հարվածել են Չեռնոբիլի ատոմակայանին:
«Ռուսական հարվածային դրոնն այս գիշեր հարվածել է այն ատոմակայանին, որն աշխարհը պաշտպանում է Չեռնոբիլի ատոմակայանի ավերված 4-րդ էներգաբլոկի ճառագայթումից»,- ասել է Զելենսկին։

Ուկրաինայի նախագահի խոսքով՝ հարվածի հետևանքով վնասվել է ատոմակայանի պաշտպանիչ գմբեթը, հրդեհ է բռնկվել, որն արագ մարվել է։ Ֆոնային ճառագայթման ավելացում չի գրանցվել, պարզաբանել է Զելենսկին։ Նա հավելել է, որ ապաստարանը «զգալի վնասներ» է կրել։ Դատելով հրապարակված կադրերից՝ ապաստարանի պատյանը թափանցել են։

«Աշխարհում միակ պետությունը, որը կարող է հարձակվել նման օբյեկտների վրա, գրավել ատոմակայանների տարածքը և ռազմական գործողություններ իրականացնել՝ առանց հետևանքների հաշվի առնելու, դա այսօրվա Ռուսաստանն է։ «Եվ սա ահաբեկչական սպառնալիք է ողջ աշխարհի համար»,- գրել է Զելենսկին։