«Եթե ճնշումը շարունակվի, ստիպված են լինելու վերանայել թանկացման որոշումը»․ Անդրանիկ Թևանյան

«Կրկեսային ներկայացում տեսանք, երբ ասում էին՝ 150 դրամ հնարավոր չէ, սակայն, մեկ օր հետո, վախենալով հանրային ճնշումից, դարձրին 150 դրամ։ Եթե մեր քաղաքացիները ճնշումը շարունակեն, ստիպված են լինելու վերանայել նաև այդ որոշումը»,- լրագրողների հետ ճեպազրույցի ժամանակ ասաց «Մայր Հայաստան» դաշինքի առաջնորդ Անդրանիկ Թևանյանը՝ նշելով, որ բոյոկոտը կշարունակվի այնքան, քանի դեռ ավագանու օրակարգ չի մտել իրենց առաջարկած նախագծը, որի օգտին 17 000 քաղաքացի է ստորագրել։ Ըստ այդ որոշման՝ ուղեվարձը լինելու է 100 դրամ, որոշ դեպքերում նաև՝ ավելի ցածր։ Անդրանիկ Թևանյանի խոսքով՝ ոչ ոք իրավունք չունի թույլ չտալ, որպեսզի ավտոբուսներում բողոքի ակցիաներ իրականացվեն, ըստ նրա, վարորդների մեծ մասը չի խոչընդոտում։