«Հարամ է այն հացը, որը սեփական արժանապատվության ու հայրենիքի հաշվին է»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «Զարմանալի ու միաժամանակ ցավալի օրինաչափություններ եմ նկատել.
Երբ խոսում եմ որևէ խնդրի մասին ընդհանուր անհասցե ձևակերպուներով, բազում մարդիկ կարդում ու արձագանքում են, լայքում ու մեկնաբանում։
Երբ խոսում եմ որևէ խնդրի մասին կոնկրետ, հասցեական ու անուններով, հատուկենտ մարդ է համարձակվում արձագանքել։ Լռություն ու անտարբերություն է մեծամասնություն մարդկանց կողմից, որպեսզի իրենք հանկարծ աչքի տակ չընկնեն, հանկարծ չզրկվեն իրենց մի փոր հացից։
Երբ խոսում եմ հայրենիքի գեղեցկության ու դրանք վայելելու վայրերի մասին, բազմաթիվ մարդիկ արձագանքում են իրենք մեկնաբանություններով ու լայքերով։
Երբ խոսում եմ հայրենիքին ծառայելու, մի բանով օգտակար լինելու, հայրենիքին սպառնացող վտանգների ու դրանց դեմ պայքարելու կոնկրետ միջոցների մասին, որոնք կարող են անել նաև հասարակ մարդիկ, կրկին հատուկենտ մարդ է համարձակվում արձագանքել։ Կրկին լռություն ու անտարբերություն է մեծամասնություն մարդկանց կողմից, որպեսզի իրենք հանկարծ աչքի տակ չընկնեն ու չզրկվեն իրենց մի փոր հացից։
Մեկ-մեկ հայելու մեջ նայեք։
Հարամ է այն հացը, որը սեփական արժանապատվության ու հայրենիքի հաշվին է։
Մարդ դառնալ միշտ կարելի է, բայց երբեմն ուշացած է լինում»։