«Եթե շարունակական սահմանափակումներ չունենանք ավտոմեքենաների համար, խցանումների հարցը չի լուծվի»․ Տիգրան Ավինյան

«Չկա այլընտրանք, քան սահմանափակումները անհատական մեքենաների համար։ Ավտոբուսներն առնում ենք, առանձնացված գծերը գծում ենք, եթե շարունակական սահմանափակումներ չունենանք ավտոմեքենաների համար, Երևանում խցանումների հարցը չի լուծվի։ Այս մասին տարեվերջյան ամփոփիչ ասուլիսում նշեց Երևանի քաղաքապետ Տիգրան Ավինյանը։

«Ավտոմեքենա ունենալը մեր՝ բոլորիս իրավունքն է, բայց դա չի կարող հակասել համընդհանուր հանրային իրավունքին։ Հանրային գերակա իրավունքը ենթադրում է, որ հանրային տրանսպորտը պետք է ավելի զարգացնել և ավտոմեքենաների նկատմամբ վերաբերմունքն ավելի խստացնել, այսինքն՝ որոշակի սահմանափակումներ կլինեն այդ տրամաբանությամբ»,- նշեց նա։