«Իմ և Սարիկ Մինասյանի միջև որևէ կոնֆլիկտ չի եղել»․ Կարեն Սարուխանյան

Աժ «Քաղաքացիական պայմանագիր» խմբակցության պատգամավոր Կարեն Սարուխանյանը ֆեյսբուքյան գրառմամբ հերքել է «Ժողովուրդ» օրաթերթի այսօրվա գրածը․ «Ցանկանում եմ տեղեկացնել, որ իմ և Գյումրի համայնքի ղեկավարի ժամանակավոր պաշտոնակատար Սարիկ Մինասյանի միջև որևէ տարաձայնություն, կոնֆլիկտ չի՜ եղել, մենք ո՜չ միայն կուսակից գործընկերներ ենք, այլ նաև ունենք բավական մտերմիկ ընկերական հարաբերություններ դեռևս 7-րդ գումարման Ազգային Ժողովում միասին աշխատելով։
Որքան էլ փորձեք Գյումրու գալիք ՏԻՄ արտահերթ ընտրություններին ընդառաջ ստեղծել տպավորություն, որ «Քաղաքացիական պայմանագիր» կուսակցության Գյումրիի թիմակիցների միջև կա լարվածություն՝ չի՜ ստացվելու, քանի որ մենք մեր աշխատանքը բնականոն հունով շարունակում ենք և արդյունքը տեսանելի է յուրաքանչյուր Գյումրեցու։
Դուք ուրիշ հերոսի անուն չգիտե՞ք»։