«Նախկին ռեժիմի անդամներին կոչ ենք անում անհապաղ հանձնել զենքերը». Սիրիայի ՆԳՆ

Սիրիայի ՆԳՆ-ն, որը գործում է անցումային կառավարության շրջանակներում, նախկին նախագահ Բաշար ալ-Ասադի վարչակարգի անդամներին կոչ է արել անհապաղ հանձնել զենքերը իրավասու մարմիններին։
«Որպես ողջ երկրում անվտանգություն և կայունություն ապահովելու մեր շարունակական ջանքերի մաս՝ կոչ ենք անում նախկին ռեժիմի անդամներին կամ քաղաքացիներին, ովքեր նախկին ռեժիմից մնացած զենքեր են հայտնաբերել տարբեր տարածքներում, անհապաղ հանձնել իրավասու մարմիններին։ Զենքը չհանձնելու դեպքում իրավական զսպող միջոցներ կձեռնարկեն զենք ունեցողների նկատմամբ»,- գերատեսչության հաղորդագրությունը մեջբերում է SANA գործակալությունը։