Նավթամթերքի արտահոսքից աղտոտվել է Սև ծովի` 800 քառակուսի կիլոմետր ջրային տարածք

Նավթի արտահոսքից, որը տեղի է ունեցել Սև ծովում Կերչի նեղուցի մուտքի մոտ լցանավերի խորտակումից հետո, արդեն տուժել է մոտ 800 քառակուսի կիլոմետր ջրային տարածք, ՏԱՍՍ-ին հայտնել է հեռահար զոնդավորման մեթոդների մասնագետ Սերգեյ Ստանիչնին, ով համագործակցում է ծովային փրկարար ծառայության հետ։ «Ամբողջ ժամանակահատվածում ընդհանուր տարածքը, որտեղ հայտնաբերվել է աղտոտվածություն, կազմում է մոտ 800 քառակուսի կիլոմետր»,- ասել է Ստանիչնին:

Նա պարզաբանել է, որ չի կարելի ասել, որ այս ամբողջ տարածքում ծովի հատակն աղտոտված է. մազութը նստում է առանձին հատվածներում, իսկ նշված տարածքն այն տարածքն է, որտեղ արձանագրվել է նավթամթերքի անցում ջրի մակերեսային շերտերով։ Մինչդեռ նեղուցի մուտքի մոտ խորտակված լցանավից արտահոսքը շարունակվում է՝ ըստ երկուշաբթի արված արբանյակային լուսանկարների։ Հետագիծը, որով կշարժվեն վտանգավոր նյութերը, կախված է քամու ուժգնությունից և ուղղությունից, ինչպես նաև ծովի այդ տարածաշրջանում հոսանքների ներկա իրավիճակից։