«ԱՄՆ-ն ներգրավված չէ Կիրիլովի սպանության մեջ»․ Պետդեպ

ԱՄՆ-ն կապ չունի ՌԴ ԶՈՒ ճառագայթային, քիմիական և կենսաբանական պաշտպանության ուժերի ղեկավար, գեներալ-լեյտենանտ Իգոր Կիրիլովի սպանության հետ։ Այս մասին ճեպազրույցում հայտարարել է Պետդեպարտամենտի խոսնակ Մեթյու Միլլերը։
«Մենք ներգրավված չենք եղել․․․ Այդ անձի հետ տեղի ունեցած միջադեպի վերաբերյալ մեկնաբանություն չունեմ»,- ասել է նա։
Հիշեցնենք, որ գեներալ-լեյտենանտ Իգոր Կիրիլովը սպանվել է Ռյազանսկի պողոտայում տեղի ունեցած պայթյունի հետևանքով։ Ռուսական լրատվամիջոցների փոխանցմամբ, պայթյունի հիմնական վարկածը Ուկրաինայի ԶՈՒ դիվերսիան է։