«Դատավարությունների նպատակը ՀՀ-ն որպես ահաբեկչական պետություն ներկայացնելն է». Տաթևիկ Հայրապետյան
 Ադրբեջանագետ Տաթևիկ Հայրապետյանի թելեգրամյան գրառումը. «COP29-ի ավարտից անմիջապես հետո Ադրբեջանը դատարան է ուղարկում Բաքվում ապօրինաբար պահվող Արցախի ռազմաքաղաքական ղեկավարության և մյուս ռազմագերիների դատական գործը։ Երեկ հայտնի դարձավ, որ Բաքուն նոր մեղադրանքներ է առաջ քաշել ընդդեմ Ռուբեն Վարդանյանի՝ նրան ցմահ ազատազրկման դատապարտելու նպատակով։ Այդ մեղադրանքները և ողջ դատական գործընթացը փակ է պահվում, քանի որ դրանք բոլորն ապօրինի են և որևէ փաստական տվյալ չկա դրանց հարցում։ Ուշագրավ է ևս մեկ դրվագ․ Ադրբեջանի գլխավոր դատախազությունը Հայաստանի Հանրապետության պատկան մարմիններին հրավիրում է համագործակցել այս հարցում: «Ղեկավարվելով սույն քննչական գործի շրջանակում կասկածվող բազմաթիվ անձանց, ինչպես նաև վկաների՝ Հայաստանի տարածքում գտնվելու լուրջ պատճառներով՝ Ադրբեջանի գլխավոր դատախազությունը Հայաստանի պատկան մարմիններին համագործակցության հրավեր է անում»,- ասվում է հաղորդագրության մեջ։ Կարճ ասած՝ ասում են օգնենք դատենք և փակենք, ում էլ չենք ձերբակալել, հանձնեք մեզ։ Չնայած որոշ սպասումների, թե COP29—ը առիթ կդառնա, որ Բաքուն ազատ արձակի հայ ռազմագերիներին, իրողություններն, ինչպես և սպասելի էին Ալիևի քաղաքականության դեպքում, այլ կերպ են դասավորվում, ինչը ևս մեկ ցուցիչ է, որ Ադրբեջանը չի ցանկանում խաղաղություն ու բարիդրացիություն։ Ես համոզված եմ՝ այս դատավարությունները վերոնշյալ մարդկանց դեմ չեն միայն, այդ մարդիկ թիրախում են, բայց նպատակը շատ ավելի հեռահար է՝ ներկայացնել Հայաստանը որպես ահաբեկչական ու օկուպանտ պետություն՝ դրանից բխող բոլոր հետևանքներով։ Պատահական չէ, որ օրեր առաջ Ադրբեջանի նախագահի օգնական Հիքմեթ Հաջիևը ասել էր, որ «ագրեսոր և օկուպանտ երկրների ռազմական պլանավորման մեջ որոշակի սահմանափակումների կիրառումը միջազգային հարաբերություններում հաստատված պրակտիկա է։ Օրինակ՝ նման միջոցներ են ներդրվել Երկրորդ համաշխարհային պատերազմից հետո և իրաքա-քուվեյթյան պատերազմից հետո՝ Իրաքի հետ կապված»։ Նրա խոսքով՝ Հայաստանը՝ «որպես ագրեսոր երկիր, նույնպես պետք է բախվի նմանատիպ սահմանափակումների»։ Այս հանգամանքից ելնելով՝ Հայաստանը որպես պետություն պետք է բոլոր հնարավոր միջոցներով հետամուտ լինի վերոնշյալ անձանց ազատ արձակմանը, չնայած միամտություն է դա ակնկալել Փաշինյանի կառավարությունից, հատկապես այն բանից հետո, երբ Փաշինյանը բաց տեքստով թիրախավորեց Ռուբեն Վարդանյանին՝ դրանով իսկ հերթական ծառայությունը մատուցելով Բաքվին․․․»: Աղբյուրը` Տաթևիկ Հայրապետյան |
Սալոմե Զուրաբիշվիլին վերջնաժամկետ է ներկայացրել
85Երեկ, 23:54
Թրամփն սպասում է Պուտինի հետ հանդիպմանը
103Երեկ, 23:42
«1979թ․ այս օրը Հայոց ցեղասպանության արդարության մարտիկները «ճամփու դրեցին» Յըլմազ Չոլպանին». Էդգար Էլբակյան (լուսանկար)
106Երեկ, 17:12
«Զուրաբիշվիլին կարող է քրեական պատասխանատվության ենթարկվել»․ Կոբախիձե
152Երեկ, 16:30
«Հիշողության թարմացում»․ Լուսինե Հարոյան (տեսանյութ)
114Երեկ, 15:18
«Գյումրին պետք է վերջնականապես ձերբազատվի աղետի գոտի ընկալումից»․ Անդրանիկ Թևանյան (տեսանյութ)
101Երեկ, 14:54