Անդրանիկ Կարապետյանն անհաջող ելույթ ունեցավ ծանրամարտի աշխարհի առաջնությունում

Բահրեյնում ընթացող՝ ծանրամարտի աշխարհի առաջնությունում Հայաստանի ծանրամարտի հավաքականի անդամ Անդրանիկ Կարապետյանն անհաջող ելույթ ունեցավ:

89 կգ քաշային կարգի տղամարդկանց պայքարում Անդրանիկ Կարապետյանը պոկում վարժությունում միայն մեկ հաջող մոտեցում ունեցավ՝ բարձրացնելով 170 կգ: Հրում վարժությունում Կարապետյանը երեք մոտեցմամբ չբարձրացրեց 201 և 203 կգ: Երկամարտում Կարապետյանը զրո ստացավ: