Ռուսական զորքերը հրթիռակոծել են Զապորոժիեի կլինիկան. կան զոհեր

Ռուս զինվորականները դեկտեմբերի 10-ի ցերեկը հրթիռային հարված են հասցրել Զապորոժիե քաղաքին, հայտարարել է շրջանային վարչակազմի օրինական ղեկավար Իվան Ֆեդորովը։

Պաշտոնյայի խոսքով՝ գնդակոծության հետևանքով ավերվել է մասնավոր կլինիկա, վնասվել են դրան հարակից շինությունները։

Վերջին տվյալներով՝ երեք մարդ զոհվել է, ևս 16-ը՝ վիրավորվել։ Զոհերի թվում կա երկու բժիշկ։

Ավերված շենքի փլատակներում առնվազն 8 մարդ է գտնվում, ասել է Ֆեդորովը։