«Ընդդիմադիր քաղաքական ուժերի գործունեությունն անարդյունավետ է»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Այն, որ ընդդիմադիր քաղաքական ուժերի գործունեությունը անարդյունավետ է, անվիճելի է։
Իրենք էլ չեն վիճում դրա հետ։
Մյուս կողմից էլ մենք՝ ազգային դաշտի շարքային կամ թեկուզ ոչ շարքային մարդիկ, չունենք հստակ ձևակերպված ու լսելի պահանջներ այդ քաղաքական ուժերից։
Մի կողմից, իհարկե, հենց քաղաքական ուժերը պիտի իրենք առաջարկելու բան ունենան, բայց եթե չունեն ու չեն առաջարկում, ապա ի՞նչ կարելի է անել։
Քաղաքական ուժերին ուղղված պահանջները մշակելը, դրանց շուրջ հանրային համաձայնության գալն ու դրանք տեղ հասցնելը պիտի որ ազգային քաղհասարակության, ազգային փորձագիտական դաշտի և ազգային մեդիայի գործառույթը լինեին։
Բայց վերոնշյալ ինստիտուտները սաղմնային վիճակում են դեռ։
Ու ես այլ ճանապարհ չեմ տեսնում, քան դրանք զարգացնելը։ Ինչքան էլ ասեք/ասենք, թե «ժամանակ չկա»»։