«Բացեցի, նայեցի տեսա` տակը ինչ-որ մեկնաբանություններ են, պարզվեց` ճիշտ են». Նիկոլ Փաշինյան

«Շիրակի մարզ կատարած այցի ընթացքում Արմավիրով գնացինք: Մինչև մեր առաջին կետ ընկած հատվածում ճանապարհը շատ լավն էր: Մեր գործընկերներին հարցրեցի՝ Արմավիրից մինչև Գյումրի այսպե՞ս է ճանապարհը: Ստացա շատ պինդ դրական պատասխան, որ՝ այո: Ես էլ վերցրեցի, նկարեցի ու հրապարակեցի ճանապարհը՝ ասելով, թե՝ ահա Արմավիրից Գյումրի գնացող ճանապարհը բերել ենք այս վիճակին:

Ինչ-որ ժամանակ անց բացեցի, կարդացի մեկնաբանությունները, տեսա՝ գրված է՝ հերթական լկտի սուտը, բա դու արի հասի Բայանդուր, բա դու եղե՞լ ես Բայանդուր: Ու պարզվեց՝ մարդիկ ճիշտ են: Պետք չի ավանսով բաները, չի եղել, ասեք՝ չի եղել: Հիմա մինչև տարվա վերջ պիտի գնամ, իմ աչքով տեսնեմ՝ Բայանդուրի ճանապարհը եղել ա, թե՝ չէ»,- ֆեյսբուքյան իր էջում հրապարակված կարճ տեսանյութի մեջ կառավարության անդամների հետ զրույցում ասում է վարչապետ Նիկոլ Փաշինյանը: