Անօրինական ներգաղթյալները զանգվածային ծեծկռտուք են կազմակերպել մարմնավաճառների պատճառով

Կենտրոնական Ասիայից ՌԴ ժամանած ներգաղթյալները զանգվածային ծեծկռտուք ու դանակահարություն են իրականացրել Մոսկվայի բնակելի շենքի պատուհանների տակ։ Դեպքի վայր ժամանած քննիչները պարզել են, որ կոնֆլիկտն սկսվել է այդ շենքի բնակարաններից մեկում, որտեղ ապրել են Ղրղզստանից եկած մարմնավաճառներ
Վերջինները պատմել են, որ դժգոհ հաճախորդն սկսել է բղավել ու հետ պահանջել գումարը, իսկ հետո զանգահարել ընկերներին, որոնք բարձրացել են բնակարան ու սկսել սպառնալ։
Կանայք օգնության խնդրանքով դիմել են ընկերներին, որոնք նույնպես ավտոմեքենայով մոտեցել են և ծեծկռտուք է սկսվել։
Աղբյուրի փոխանցմամբ՝ ոստիկանությունը բաժին է բերման ենթարկել ութ տղամարդու և երկու կնոջ։ Աղջիկների նկատմամբ մարմնավաճառությամբ զբաղվելու և կեցության կանոնները խախտելու համար արձանագրություններ են կազմվել։ Ռուսաստանում ապօրինի գտնվող Ղրղզստանի վեց քաղաքացիների առնչությամբ արձանագրություններ են կազմվել մանր խուլիգանության հոդվածով։