Կոնստանտին Էռնստն Apple-ի համահիմնադիր Սթիվ Ջոբսին համեմատել է Ադոլֆ Հիտլերի հետ

Կոնստանտին Էռնստն Apple-ի համահիմնադիր Սթիվ Ջոբսին համեմատել է Ադոլֆ Հիտլերի հետ։ Նրա կարծիքով՝ iPhone-ները «կործանել են մարդկային շփումների աշխարհը»:
Այս կարծիքը ռուսական «Առաջին ալիք»-ի տնօրենը հայտնել է «Ստեղծելով ապագան» գագաթնաժողովի ժամանակ։
Նրա խոսքով՝ iPhone-ը «չափազանց վնասակար և հրեշավոր բան է մարդկության համար»։ Էռնստը կարծում է, որ հեռախոսները «կործանել են մարդկային կապերի աշխարհը», քանի որ դրանց տերերը «ամիսներով կամ նույնիսկ տարիներով չեն այցելում իրենց ծնողներին», նույնը՝ երեխաների պարագայում։
«Այսպիսով, հիմնականում, ինձ համար, օրինակ, անձամբ Սթիվեն Ջոբսը այն կերպարների շարքում է, որտեղ նրանից առաջ Ադոլֆ Հիտլերն է»,- ասել է նա: