«Ձեր որակումները զերծ պահեք ձեր հարցադրումից». Ժաննա Անդրեասյանը՝ լրագրողին

«Խնդրում եմ՝ ձեր որակումները զերծ պահել ձեր հարցադրումից»,- ԱԺ-ում ասաց ԿԳՄՍ նախարար Ժաննա Անդրեասյանը՝ անդրադառնալով լրագրողի հարցին, թե ինչու է ուսումնական տարին սկսվել դպրոցական դասագրքերի տպագրված չլինելու հետ կապված խնդրով։

«Բոլոր դասագրքերը, որոնք պետք է տպագրված լինեին, տպագրված են եղել և տրվել են դպրոցներին մինչև սեպտեմբերի 1-ը։ Պա՞րզ է ձեզ իմ պատասխանը»,- ասաց նախարարը։

Անդրադառնալով հարցին՝ որևէ դպրոցում որևէ դասագրքի խնդիր չկա՞, Անդրեասյանը նշեց․ «Այն դասագրքերը, որոնք մրցույթի արդյունքում երաշխավորվել են, բոլորի տպագրությունն իրականացվել է սահմանված ժամկետում․․․ Եղել են 10 առարկաներ, որոնցով դասագիրք չի երաշխավորվել։ Դպրոցներին տեղեկացվել է, որ ուսուցումը շարունակեն հին դասագրքերով»։