ԲՐԻԿՍ-ի գագաթնաժողովի մասնակիցներն ամփոփիչ հռչակագիր են ընդունել

ԲՐԻԿՍ-ի գագաթնաժողովի մասնակիցներն ընդունել են ամփոփիչ հռչակագիր, այս մասին հայտնել է ՌԴ նախագահ Վլադիմիր Պուտինը՝ ընդլայնված կազմով հանդիպման ժամանակ։ Ведомости-ի փոխանցմամբ, Պուտինն ասել է, որ համատեղ ջանքերով առաջընթաց է գրանցվել երեք հիմնական ոլորտներում՝ քաղաքականություն և անվտանգություն, տնտեսություն և ֆինանսներ, ինչպես նաև մշակութային և հումանիտար շփումներում։ Նա նշել է, որ սա ամուր հիմքեր է ստեղծում ապագայի համար։ Պուտինը հավելել է, որ վերջնական հռչակագիրը, ներառյալ գլոբալ իրավիճակի վերաբերյալ գնահատականները և ԲՐԻԿՍ-ում Ռուսաստանի նախագահության արդյունքները, պատրաստ են։