Տամբովի մարզի բնակելի շենքում գազի պայթյունի հետևանքով զոհերի թիվն ավելացել է

Փրկարարները Տամբովի մարզի Կիրսանով քաղաքի բնակելի բազմահարկ շենքում կենցաղային գազի պայթյունից զոհված ևս մեկ մարդու դի են հայտնաբերել, հայտնում է ՌԴ ԱԻՆ-ը։ Այսպիսով, արտակարգ պատահարի զոհերի թիվը հասել է հինգի։

Նախօրեին վաղ առավոտյան Կիրսանովի բազմահարկ բնակելի շենքում տեղի է ունեցել կենցաղային գազի պայթյուն, որին հաջորդել է հրդեհ։ Վերջին տվյալներով՝ տուժել է ինը մարդ։ Այս փաստի հիման վրա քրեական գործ է հարուցվել: