Փաշինյանը՝ ԲՈՒՀ-երի շենքերի հետագա կառավարման մասին

Կառավարության նիստի ժամանակ Փաշինյանն անդրադարձավ «Ակադեմիական քաղաք» ծրագրի շրջանակներում այսօր գործող բուհական ենթակառուցվածքների հետագա կառավարման հայեցակարգերին ու սխեմաներին։ «Այսօր գործող բուհական համակարգի որևէ ենթակառուցվածք չպետք է օտարվի, ընդհակառակը՝ պետք է կառավարվի այնպես, որ եկամուտներ բերի առաջին հերթին բուհական համակարգին։ Կան շենքեր, իհարկե, որոնց կառավարման հետ կապված կան սահմանափակումներ, կարող է պատմամշակութային հուշարձաններ լինեն, թեպետ այս դեպքում այդ շենքի արժեքը ավելի բարձր է»,-ասաց Փաշինյանը՝ նշելով որ միջազգային՝ նման փորձ ունեցող կազմակերպությունների խորհրդատվությամբ կկարգավորվի բուհերի շենքերի կառավարումը․ «Այդ շենքերի կառավարումը պետք է եկամուտ բերի հենց գիտակրթական համակարգին։ Ֆինանսական հոսքերը պետք է ուղղվեն Ակադեմիական քաղաքի գիտական, կրթական, մշակութային կյանքի կազմակերպմանը»,-ասաց Փաշինյանը։