«Ծառուկյանի խոսքի կարևոր տողատակը»․ Սուրեն Սուրենյանց
Քաղաքագետ Սուրեն Սուրենյանցի թելեգրամյան գրառումը․ «Ծառուկյանի խոսքի կարևոր տողատակը․ Քաղաքական շեշտադրումների առումով բովանդակալից էր հատկապես Գագիկ Ծառուկյանի լակոնիկ հարցազրույցը: Խորհրդարանական ընտրություններին իր հնարավոր մասնակցության հարցին Ծառուկյանը կարճ պատասխանեց՝ թող գաղտնիք մնա: Մյուռոնի օրհնության արարողությունը մեր Եկեղեցու կարևոր արարողություններից մեկն է՝ ազգային միասնության, Մաքրվելու, Բարության, Նորի բաղադիչներով: Այս համատեքստում ընտրական մասնակցության վերաբերյալ Ծառուկյանի ցանկացած այլ պատասխան, «կոնկրետ» խոսք կորցնելու էր ներդաշնակությունն օրվա խորհրդի, համատեքստի հետ: Սրանով հանդերձ, նախընտրական ստատուս-քվոյի չբացահայտումը Ծառուկյանի կողմից ռացիոնալ ինտրիգի, սպասման միջավայր է ծնում, որն, անշուշտ, նոր՝ ավելի որակյալ քաղաքական ստատուս-քվոյի մասին է: Գագիկ Ծառուկյանը շատ լակոնիկ ու տողատակով խոսեց նաև այսօրվա քաղաքական իրականության մասին: Գուցե շատերի համար պարադոքսալ հնչեց, որ, մի կողմից, Ծառուկյանը Բագրատ Սրբազանին իր ընտանիքի բարեկամ է անվանում, մյուս կողմից՝ հայտնում է, որ քաղաքական առումով չի աջակցում նրան: Դարձյալ պարադոքսալ ոչինչ չկա, եթե ուշադրություն դարձնենք այն համատեքստին, որտեղ հնչել է Ծառուկյանի խոսքը: Իսկ այդ համատեքստի գլխավոր ֆոնը Սրբազանի հանդիպումներն էին երկրորդ և երրորդ նախագահներ Ռոբերտ Քոչարյանի և Սերժ Սարգսյանի հետ: Ահա, այս ստատուս-քվոն է, որ չի արժանանում Ծառուկյանի աջակցությանը ու դարձյալ այն պատճառով, որ նրա վերջին ելույթները «ներկա- նախկին» փակուղային շղթայից դուրս նոր ստատուս-քվոյի մասին է, որի հիմքում ոչ թե անցյալն է, այլ զարգացման հրամայականը»: Աղբյուրը` Սուրեն Սուրենյանց |
«Իշխանազավթների հայկական դիվանագիտությունը՝ Էրդողանից մինչև Ալիև խոնարհվելու միջակայքն է»․ Աննա Մկրտչյան (տեսանյութ)
3817:24«Շուտով տասնյակ հազարավոր հայերի նոր տեղահանություններ կլինեն»․ Հովհաննես Ավետիսյան
4117:18«Ծառուկյանի խոսքի կարևոր տողատակը»․ Սուրեն Սուրենյանց
4417:12«ՍԴ-ն հարձակվել է Անկախության հռչակագրի վրա»․ Գեղամ Մանուկյան (տեսանյութ)
4017:00«Հայտարարության մեջ կա մի ուշագրավ պարբերություն»․ Հակոբ Բադալյան
3416:54ԱԺ-ում հայտարարությունների ժամ է․ ՈՒՂԻՂ ՄԻԱՑՈՒՄ (տեսանյութ)
4016:30