«Ներսում էլի մենք ենք». Նիկոլ Փաշինյանն ու Աննա Հակոբյանը շարասյուների մեջ «իրենց անցյալը չեն մոռանում»

Ընտանեկան փոդքասթի եթերում վարչապետ Նիկոլ Փաշինյանն ու նրա կինը՝ Աննա Հակոբյանն, անդրադարձան իրենց սպասարկող հսկայական շարասյուներին՝ վստահեցնելով, որ դրանց մեջ իրենց հարմարավետ չեն զգում: «Ես բանտում էլ եմ եղել, այնտեղ էլ հատուկ պահպանության տակ էի, այստեղ էլ նույնն է»,- դժգոհեց Փաշինյանը՝ հիշեցնելով, որ ճիշտ է՝ շարասյունով են գնում, բայց, օրինակ, խոզ խանձելու են գնում, որովհետև իրենց անցյալը չեն մոռացել:

Աննա Հակոբյանն էլ հավաստիացրեց. «Այդ շարասյուների ներսում էլի ես եմ: Վիդյոն նկարելու իմաստն էլ այն է, որ ներսում էլի մենք ենք, չի փոխվել ոչ մի բան»: