Յուն Սոկ Յոլը խոստացել է «պայքարել մինչև վերջ»

Հարավային Կորեայի պաշտոնանկ արված նախագահ Յուն Սոկ Յոլը, ով վերջերս իմպիչմենթի ենթարկվեց երկրում ռազմական դրություն հայտարարելու պատճառով, իր կողմնակիցներին խոստացել է «պայքարել մինչև վերջ»՝ շնորհակալություն հայտնելով նրանց աջակցության համար: Այս մասին հայտնում է Reuters-ը՝ հղում կատարելով քաղաքական գործչի կոչին։

Նախօրեին Սեուլի Արևմտյան շրջանային դատարանը Յուն Սոկ Յոլին ձերբակալելու օրդեր է տվել։ Yonhap-ը գրել էր, որ սա առաջին դեպքն է երկրի պատմության մեջ, երբ գործող նախագահին կալանավորման օրդեր է տրվում։ Դեկտեմբերի 27-ին Սահմանադրական դատարանը սկսել է Յունի իմպիչմենթի գործի քննությունը, որի որոշումը պետք է կայացվի գործը դատարան մտնելուց հետո 180 օրվա ընթացքում:

Յոլին ձերբակալելու որոշումից հետո նրա կողմնակիցները սկսեցին հավաքվել նախագահի նստավայրի մոտ։