Մահացել է Սամվել Խալաթյանը
Մահացել է ՀՀ արվեստի վաստակավոր գործիչ, դրամատուրգ, երգիծաբան Սամվել Խալաթյանը։ Նա 74 տարեկան էր։ Ստեղծագործել և մամուլում տպագրվել է դպրոցական տարիներից։ Հրատարակել է բանաստեղծությունների, վիպակների, մենագրությունների, պիեսների ու երգիծանքների 52 ժողովածու։ Հեղինակած թատերագրությունները, երգիծական պատմվածքները, այլ ժանրերի ստեղծագործություններ տեղ են գտնում գրական-գեղարվեստական բազմաթիվ հանդեսներում և կայքերում, ժանրային էլեկտրոնային գրադարաններում։ Հայաստանի և արտերկրի բազմաթիվ թատրոններում՝ Երևանի Հ. Պարոնյանի անվան երաժշտական կոմեդիայի, Պատանի հանդիսատեսի, «Մհեր Մկրտչյանի արտիստական», «Գոյի», «Փոսի», Գյումրու, Վանաձորի, Կապանի, Արտաշատի, Հրազդանի, Գորիսի պետթատրոններում, Հալեպի, Կիպրոսի, Լոս-Անջելեսի, Ստամբուլի, Քյոլնի, Ստեփանակերտի, Թբիլիսիի հայկական թատրոններում և այլ թատերախմբերում, 30 պիես ունեցել են 79 բեմադրություն։ «Վերջին ծաղրածուն» տրագիկոմեդիան SIBIU միջազգային թատերական փառատոնում համարվել է 2004 թվականի լավագույն պիեսներից մեկը՝ անգլերեն և ռումիներեն լեզուներով հրատարակվել Եվրոպայի տարվա լավագույնը ճանաչված դրամատուրգների Անթոլոգիայում։ Հեղինակել է կոմպոզիտոր Ստեփան Ռոստունու «Հարևաններ» ֆոլկ-օպերայի լիբրետոն (1983թ.), Վանաձորի «Հորովել» համույթի «Թումանյանական աշխարհ» պարային ներկայացման հեղինակային տեքստը (2019թ.), կարճամետրաժ մի քանի ֆիլմերի սցենարներ։ |
«Երևան կլասիկ ֆեստ» փառատոնի մեկնարկը տվեց «Երևան» պատանեկան սիմֆոնիկ նվագախումբը
7903:12«Արարատի թագավորության միապետների՝ մեզ հայտնի անունները». Միքայել Բադալյան
131Երեկ, 00:42Անահիտ աստվածուհու արձանը Հայաստանում է (տեսանյութ)
10516.09.2024, 13:12Ո՞վ է առաջին անգամ գործածել «Հայկական լեռնաշխարհ» տեղանունը
13716.09.2024, 03:06Խաչվերացը Հայ եկեղեցու հինգ տաղավար տոներից վերջինն է (տեսանյութ)
13015.09.2024, 09:30Հայաստանում հայտնաբերվել է երեխայի կմախք՝ Նեոլիթյան ժամանակներից (լուսանկար)
38414.09.2024, 21:30