«Պատահական չի, որ Նիկոլ Փաշինյանը TikTok-ից տուն չի գնում»․ Գեղամ Մանուկյան

111

Հինգշաբթի, 05 սեպտեմբերի, 2024 թ., 10:36

«Պատահական չի, որ Նիկոլ Փաշինյանը վերջերս TikTok-ից տուն չի գնում։ Ամեն շերտի վրա յուրահատուկ աշխատանք է անում։ Այստեղ երիտասարդությանը ուղերձ է հղում՝ երեխեք, ջահելներ, ապրեք, վայելեք, հեծանիվ քշեք»,-«5-րդ ալիք»-ի եթերում ասել է ԱԺ «Հայաստան» խմբակցության պատգամավոր Գեղամ Մանուկյանը։ «Ամեն շրջանակի համար յուրահատուկ է։ Օրերս նման մի քարոզչական հնարք տեսա։ Փաշինյանը աշխատանքային օրով գնացել էր Ապարանի գյուղերից մեկը՝ խաշլամա, խորոված ուտելու։ Բիսետկում նստել է, նայում ես՝ բիսետկի մեջ խաշլամայի ու խորովածի պարզ սեղանի վրա աչքդ զարնում է ֆրանսիական օղին, որի գինը 25-30 000 դրամ է․ էդ խեղճ գյուղացին քանի՞ անգամ է առել ու խմել, որ Փաշինյանի սնվելու ժամանակ էլ սեղանին դրված լինի։ Այսինքն, այդ ամենը կազմակերպված է»,-նշել է Մանուկյանը։