«Այս կամ մյուս տարի Նիկոլը գնալու է արտահերթ ընտրությունների»․ Արա Վարդանյան

«Ինձ թվում է՝ Նիկոլ Փաշինյանը, ընդ որում ոչ մեկն իր թիմում դա չգիտի, որոշել է գնալ արտահերթ ընտրությունների: Մեծ է հավանականությունը, որ այս կամ մյուս տարի նա գնալու է արտահերթ ընտրությունների: Հիմքում ընկած է մի պարզ բան՝ նա ուզում է մինչև ռուս-ուկրաինական պատերազմի ավարտը սա անել՝ հաշվի առնելով այն հանգամանքը, որ Ռուսաստանը, զբաղված լինելով ուկրաինական կոնֆլիկտով, շատ չի խառնվելու այս տարածաշրջանի պրոցեսներին»,- «Հայելի» ակումբում ասուլիսի ժամանակ ասել է «Հայաստան» համահայկական հիմնադրամի նախկին տնօրեն Արա Վարդանյանը։ «Նիկոլն ուզում է ընտրությունները սարքի, բայց մեր ժողովրդից էլ է շատ մեծ բան կախված լինելու այդ ընտրությունների ժամանակ. ինչքան էլ ուզենա սարքի, եթե ազգովի գնանք, նեռի դեմ քվեարկենք, չի կարողանալու սարքել»,- հավելել է Վարդանյանը։