«Պատերազմներին տրվում են այլ անվանումներ»․ Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Լայնածավալ ռազմական գործողություններին պատերազմ չանվանելու համար, իրավական այլ հիմքեր ստեղծելու համար, տարբեր անվանումներ են տալիս։
Օրինակ, Թուրքիան Սիրիա ներխուժելիս օգտագործում էր հակաահաբեկչական գործողություններ, Ռուսաստանը Ուկրաինայի դեպքում՝ հատուկ գործողություն։ Թուրքիայի օրինակին էր հետևել նաև Ադրբեջանը և Արցախում իրականացրած բռնի էթնիկ զտումն իրականացնելիս տվել էր հակաահաբեկչական գործողություն որակավորումը։
Կարծում եմ, որ Իրանը Իսրայելի դեմ լայնածավալ ռազմական գործողությունը որակավորելու է որպես պատժիչ գործողություն։
Այս բոլոր որակավորումները տրվում են նրա համար, որպեսզի հետագայում մինիմալ քիչ լինի ռազմական տրիբունալի հավանականությունը, կամ ընդհանրապես ռազմական հանցագործության մեջ մեղադրելը։
Աշխարհը մի կողմից պատերազմ սանձազերծողի դեմ սանկցիաներ է կիրառում, մյուս կողմից, նույն աշխարհի թեթև ձեռքով պատերազմներին տրվում են այլ անվանումներ, դրանով մեղմացնելով պատերազմներին հատուկ գործողությունների պատասխանատվությունները․․․»։