Երևան`   +23 °C
Այսօր`   Երկուշաբթի, 27 մայիսի, 2024 թ.

Սլովակիայի վարչապետը մահափորձի է ենթարկվել. վիճակը ծայրահեղ ծանր է

1519
Չորեքշաբթի, 15 մայիսի, 2024 թ., 18:06
Սլովակիայի վարչապետը մահափորձի է ենթարկվել. վիճակը ծայրահեղ ծանր է

Մահափորձի է ենթարկվել Սլովակիայի վարչապետ Ռոբերտ Ֆիցոն, հաղորդում է Reuters գործակալությունը՝ վկայակոչելով տեղական լրատվամիջոցներին։

Հաղորդվում է, որ զինված միջադեպը տեղի է ունեցել մայրաքաղաք Բրատիսլավայից դուրս, երբ Ֆիցոն դուրս էր գալիս շենքից, որտեղ կառավարությունն արտագնա նիստ էր անցկացնում։

Ֆիցոյին շտապ տեղափոխել են հիվանդանոց, ըստ լրատվամիջոցների՝ նրա ուղղությամբ չորս կրակոց է արձակվել, այդ թվում՝ որովայնին։

Ինչպես հաղորդվում է, կրակոցներ արձակողը ձերբակալված է։ Այս պահին այլ մանրամասներ հայտնի չեն։

Սլովակիայի նախագահը դատապարտել է վարչապետի դեմ «դաժան» հարձակումը՝ մաղթելով նրան ապաքինում: