ԱՄՆ-ն և Իսրայելը համաձայնության են եկել Ռաֆահում «Համաս»-ը ոչնչացնելու «ընդհանուր նպատակի շուրջ»
ԱՄՆ-ի և Իսրայելի պաշտոնյաները խորհրդակցություններ են անցկացրել Իրանի հարվածների, ինչպես նաև Գազայի հատվածի հարավում գտնվող պաղեստինյան Ռաֆահ քաղաքի վրա հրեական պետության կողմից ծրագրված ցամաքային գործողության վերաբերյալ: Այս մասին ասվում է Սպիտակ տան մամուլի ծառայության տարածած հաղորդագրության մեջ։ Ամերիկյան կողմից խորհրդակցություններին մասնակցել է ԱՄՆ-ի նախագահի՝ ազգային անվտանգության գծով օգնական Ջեյք Սալիվանը, իսրայելական կողմը ներկայացրել են ռազմավարական պլանավորման նախարար Ռոն Դերմերը և երկրի Ազգային անվտանգության խորհրդի ղեկավար Ցաչի Հանեգբին: Նրանք քննարկել են «Իրանի հարձակումը և Իսրայելի պաշտպանությունն ավելի ամրապնդելուն ուղղված հավաքական ջանքերը»։ Սալիվանը նաև տեղեկացրել է Իրանի դեմ սահմանված նոր պատժամիջոցների մասին։ Բացի այդ, ընդլայնված կազմով խորհրդակցություններ են անցկացվել Ռաֆահի շուրջ ստեղծված իրավիճակի վերաբերյալ։ «Կողմերը համաձայնության են եկել Ռաֆահում «Համաս»-ը ոչնչացնելու ընդհանուր նպատակի շուրջ»,- նշվում է փաստաթղթում։ Միևնույն ժամանակ, Միացյալ Նահանգները «անհանգստություն է հայտնել Ռաֆահում գործողությունների տարբեր սցենարների վերաբերյալ, և Իսրայելի ներկայացուցիչները համաձայնել են հաշվի առնել այդ նկատառումները և լրացուցիչ խորհրդակցություններ անցկացնել փորձագիտական մակարդակով»: |
«Հովհաննես Դավթյանի գոյության մասին երեկ իմացա». Անժելա Էլիբեգովա
7503:06«Տավուշում բուհի դիպլոմ չունեցող 55 ուսուցչի աշխատանքից ազատել են». Ոսկան Սարգսյան
7501:18«Հասկանո՞ւմ եք, թե ինչ լավ է». Դանիել Իոաննիսյան
8100:54«Բայց ինքը որդի չունի, Վազգենչիկ». «Ո՞նց չունի, էն օրը երկու հոգու ասում էր «որդյակ»». համացանցը հեգնում է (լուսանկար)
9100:48Civic-ի լրագրողը ճանաչվել է տուժող․ ՔԿ
7200:24«Բագրատ Սրբազանն առհասարակ երեխա չունի». Անժելա Էլիբեգովա
8500:18