Ինչո՞ւ իրանական հարձակման ժամանակ Իսրայելում զոհեր չեղան
Իրանն ի սկզբանե նախատեսել էր, որ Իսրայելի վրա իր հարձակումը զգալի վնաս չպատճառի: Այս մասին հայտարարել է Մերձավոր Արևելքի ԶԼՄ-ների հետազոտական ինստիտուտի (MEMRI) ղեկավար Յիգալ Կարմոնը։ Հոդվածագիրը հիշեցնում է չորս տարի առաջ Իրաքում Այն ալ-Ասադ բազայի վրա հարձակումը, որտեղ տեղակայված էին ամերիկյան զորքերը: Հարձակումը նպատակ ուներ հաշվեհարդար տեսնել Իսլամական հեղափոխության պահապանների կորպուսի «Քուդս» ուժերի հրամանատար Ղասեմ Սոլեյմանիի՝ ամերիկացիների կողմից սպանության համար: Այս հարվածի մասին ամերիկացիները տեղեկություն են ստացել հարձակումից մեկ օր առաջ։ Իրանի այն ժամանակվա արտաքին գործերի նախարար Մոհամմադ Ջավադ Զարիֆն ասել է, որ առաջիկա հարվածի մասին տեղեկատվությունը նախապես փոխանցվել է իրաքյան իշխանություններին: Այժմ, պնդում է MEMRI-ի ղեկավարը, նույնը տեղի է ունեցել Իսրայելում. երեք օրվա ընթացքում Իրանը հայտնել է մոտալուտ հարձակման մասին Հորդանանին, Իրաքին և Թուրքիային։ Նրանք տեղեկություններ են փոխանցել ամերիկացիներին, որոնք զգուշացրել են Իսրայելին։ «Երբ ՀԱՄԱՍ-ն է ռմբակոծում, զոհեր լինում են, երբ Իրանն է դա անում, չեն լինում»,- ասում է Կարմոնը: Ինչ վերաբերում է Իսրայելի հարավում երեխայի վիրավորման դեպքին, ապա դա եղել է կալանիչի բեկորների ընկնելու, այլ ոչ թե հրթիռի խոցման հետևանք։ Ավիաբազան թեթև վնասներ է կրել։ «Հնարավո՞ր է վեհության մոլորությունների ազդեցության տակ դա բացատրել իրանցիների թուլությամբ կամ ապուշությամբ։ Դա անելու համար պետք է շատ միամիտ լինել»,- նշում է հետազոտողը: |
«Տարածքների հանձնումը վերջնականապես կոչնչացնի մեր երկրի անվտանգային համակարգը». ՀՅԴ երիտասարդական միություն
55Երեկ, 23:18«Ինչո՞ւ է այս իրողությունն անհանգստացրել Բլինքենին». քաղաքագետ
95Երեկ, 17:24Սթոլթենբերգը չհայտարարված այցով Կիևում է
145Երեկ, 17:18«Իշխանությունն իր սև գործն ակտիվ շարունակում է». Տիգրան Աբրահամյան
98Երեկ, 17:00«Հայաստանում ոստիկանն իրեն օրենքից վեր է դասում»․ Արթուր Խաչատրյանը հանցագործության մասին հաղորդում է ներկայացրել
88Երեկ, 16:48Վրաստանում պատգամավորները շշով հարվածել են միմյանց (տեսանյութ)
150Երեկ, 16:24