«Ադրբեջանը Հայաստանի դեմ չունի այնպիսի փաստեր, ինչպիսիք Հայաստանն ունի Ադրբեջանի դեմ»․ Եղիշե Կիրակոսյան
Միջազգային իրավական հարցերով ՀՀ ներկայացուցիչ Եղիշե Կիրակոսյանը ելույթ է ունեցել ՄԱԿ-ի Արդարադատության դատարանում՝ «Հայաստանն ընդդեմ Ադրբեջանի» գործով լսումների ժամանակ։ «2021թ․ սեպտեմբերի 16-ին Հայաստանն այս վարույթը հարուցեց Ադրբեջանի դեմ, քանի որ այդ պետությունը ռասայական խտրականության աղաղակող քաղաքականություն է իրականացնում ազգությամբ հայերի նկատմամբ։ Ադրբեջանցի երեխաներին դպրոցական դասագրքերում սովորեցնում են ատել և սպանել հայերին։ Պետական լրատվամիջոցները ատելության խոսք են տարածում։ Բառացի կացնով սպանողները ստանում են մրցանակներ և փառաբանվում որպես ազգային հերոսներ։ Ռասայական խտրականության այս երկարաժամկետ պետական քաղաքականությունը գագաթնակետին հասավ 2020թ․ սեպտեմբերին, երբ Ադրբեջանն ագրեսիվ պատերազմ սանձազերծեց Լեռնային Ղարաբաղի էթնիկ հայերի նկատմամբ։ Նպատակն էր՝ վերացնել և վտարել էթնիկ հայերին իրենց հայրենիքից։ Ինչպես հետագայում Ալիևը բացահայտեց, նրանց առաջ էր շարժում «թշնամու նկատմամբ ատելությունը»։ 44 օր շարունակ ադրբեջանցի զինվորները սպանում, խոշտանգում և բռնության էին ենթարկում էթնիկ հայերին և հպարտորեն նկարահանվում։ Նույնիսկ դատարանը չկարողացավ կանգնեցնել Ադրբեջանի ռասայական քարոզարշավը։ Անցած ամիս Ալիևը Ստեփանակերտում կրակ վառեց և հաղորդագրություն տարածեց, որ դա «վերջնական մաքրման գործողություն է»։ Հենց այս համատեքստում է Հայաստանն իր պահանջը ներկայացնում Ադրբեջանի նկատմամբ։ Ադրբեջանը Հայաստանի դեմ չունի այնպիսի փաստեր, ինչպիսիք Հայաստանն ունի Ադրբեջանի դեմ»,- ասել է Կիրակոսյանը։ |
«Տարածքների հանձնումը վերջնականապես կոչնչացնի մեր երկրի անվտանգային համակարգը». ՀՅԴ երիտասարդական միություն
55Երեկ, 23:18«Ինչո՞ւ է այս իրողությունն անհանգստացրել Բլինքենին». քաղաքագետ
95Երեկ, 17:24Սթոլթենբերգը չհայտարարված այցով Կիևում է
145Երեկ, 17:18«Իշխանությունն իր սև գործն ակտիվ շարունակում է». Տիգրան Աբրահամյան
98Երեկ, 17:00«Հայաստանում ոստիկանն իրեն օրենքից վեր է դասում»․ Արթուր Խաչատրյանը հանցագործության մասին հաղորդում է ներկայացրել
88Երեկ, 16:48Վրաստանում պատգամավորները շշով հարվածել են միմյանց (տեսանյութ)
150Երեկ, 16:24