Խոցված ինքնաթիռում ռուս գեներալ է զոհվել

Զապորոժիեի շրջանում հայտնաբերվել են Ա-50 ինքնաթիռի խոցման հետևանքով զոհված ռուս օդաչուների դիերը։ Այս մասին երկուշաբթի՝ հունվարի 15-ին, Telegram-ում հայտնել է լրագրող Անդրեյ Ցապլիենկոն։

Անդրեյ Ցապլիենկոն, հղում անելով անկախ աղբյուրների տվյալներին, պնդում է, որ ինքնաթիռում գտնվել է ՌԴ ռազմաօդային ուժերի հեռահար ավիացիայի հրամանատարի տեղակալ Օլեգ Վլադիմիրովիչ Պչելան։

Հայտնի է, որ Օլեգ Պչելայի զինվորական կոչումը գեներալ-մայոր է։ Նա եղել է 22-րդ գվարդիական ծանր ռմբակոծիչ օդային դիվիզիայի հրամանատարը, որը տեղակայված է Սարատովի մարզի Էնգելսի օդանավակայանում։