«Պուտինը կենդանու պես զգում է թուլությունը». Զելենսկի
![]() Ուկրաինայի նախագահ Վլադիմիր Զելենսկին հարցազրույց է տվել Economist ամսագրին, որում փորձել է արևմտյան հանրությանը փոխանցել, որ պատերազմը հեռու է ավարտից, և որ աջակցելով Ուկրաինային՝ Եվրոպան պաշտպանում է ինքն իրեն: Ինչպես նկատում է Economist-ը, պատերազմի սկսվելուց գրեթե երկու տարի անց աշխարհն այլևս այդքան ուշադիր չի լսում նրա խոսքերը, Զելենսկին, այլևս չի կարողանում այդքան հմտորեն վերահսկել իրադարձությունների ընթացքը: «Ուկրաինայում հոգնածություն է սկսվում։ Արևմտյան վերնագրերում հաճախ հանդիպում է հարցադրում՝ արդյոք Ռուսաստանի նախագահ Վլադիմիր Պուտինը սկսել է հաղթել: Ուկրաինացիներին օգնելը քաղաքական առևտրի առարկա է դարձել Ամերիկայում և Եվրոպայում»,- գրում է Economist-ը: Զելենսկին պնդում է, որ աջակցելով Ուկրաինային՝ Եվրոպան իրեն պաշտպանում է ռուսական ագրեսիայից: «Մեզ գումար կամ զենք տալով՝ դուք ինքներդ եք աջակցում։ Դուք փրկում եք ձեր երեխաներին, ոչ թե մեր երեխաներին»,- զգուշացնում է նա: «Պուտինը կենդանու պես զգում է թուլությունը, քանի որ հենց ինքն է կենդանի: Նա զգում է արյունը: Եվ նա կուտի բոլորիդ ընթրիքին՝ ձեր ողջ ԵՄ-ի, ՆԱՏՕ-ի, ազատության և ժողովրդավարության հետ միասին»,- ասել է Զելենսկին: Ինչ վերաբերում է բանակցությունների առաջարկներին, ապա, ըստ Զելենսկու, նա չի տեսնում Ռուսաստանի կողմից խաղաղության ուղղությամբ որևէ հիմնարար քայլ: «Ես տեսնում եմ միայն ահաբեկչական երկրի քայլերը: Եվ եթե Ռուսաստանը, ինչպես գրում են որոշ արևմտյան ԶԼՄ-ներ, ազդանշաններ է տալիս հակամարտությունը սառեցնելու ցանկության մասին, ապա դա ոչ թե այն պատճառով է, որ նրանք արդար են, այլ այն պատճառով, որ նրանք բավարար քանակությամբ հրթիռներ, զինամթերք և պատրաստված զորքեր չունեն: Նրանց պետք է այդ դադարը»,- ասում է Զելենսկին: «Զորահավաքը մեր պետությունը պաշտպանելու և մեր հողը ազատագրելու միակ միջոցն է: Եթե մենք շարունակենք կենտրոնանալ ներքին քաղաքականության վրա, մենք պետք է ընտրություններ նշանակենք, փոխենք օրենքները, Սահմանադրությունը: Բայց այդ ժամանակ պետք է մոռանալ հակահարձակողական գործողությունների և դեօկուպացիայի մասին: Ուկրաինան չի կարող հետ կանգնել Ռուսաստանին հաղթելու իր ծրագրից: Ուկրաինացու համար ամենակարևոր մասնագիտությունն այսօր Ուկրաինայում լինելն է, իսկ մեր արևմտյան գործընկերների համար՝ Ուկրաինայի հետ լինելը»,- հավելում է Ուկրաինայի նախագահը: |
«Սա նշանակում է միջանցքի տրամադրում՝ ականջահաճո փաթեթավորմամբ». Վարդան Բալյան
4700:12«Քաղաքական դաշտի թամադան»․ Հակոբ Բադալյան
74Երեկ, 17:00«Ուղիղ բացահայտումներ լսելո՞ւ ենք Արցախի իշխանություններից՝ այս մեղադրանքների վերաբերյալ»․ Բագրատ Սրբազան (տեսանյութ)
103Երեկ, 16:42«Ո՞վ է հաջորդը»․ Քրիստինա Վարդանյան
90Երեկ, 16:30«Լացելու է, որ մենք դեռ այս սովետածին կառույցների մեջ ենք»․ Լևոն Գալստյան
102Երեկ, 16:12«Պատերազմը սկսվում է, երբ վերջանում է դիվանագիտությունը»․ Ստեփան Դանիելյան
101Երեկ, 15:36