Խիստ հազվադեպ հանդիպող նարնջագույն բևեռափայլը նշմարվել է մեկ տարվա մեջ երկրորդ անգամ

«Անհնարին» նարնջագույն բևեռափայլ է նկատվել Շոտլանդիայի երկնքում նոյեմբերի 25-ին գեոմագնիսական փոթորկի ժամանակ։ Այս մասին հայտնում է Live Science-ը։

Ավելի վաղ՝ հոկտեմբերի 19-ին, գեոմագնիսական փոթորիկից հետո էր անսովոր նարնջագույն բևեռափայլ գրանցվել: Բևեռափայլերի երկու ամենատարածված գույներն են կարմիրն ու կանաչը: Տեսականորեն թթվածնի և ազոտի մոլեկուլները որոշակի պայմաններում կարող են թույլ նարնջագույն ալիքների արձակում: Այնուամենայնիվ, նույնիսկ երբ դա տեղի է ունենում, անսովոր գույնը ամենից հաճախ թաքնված է լինում կանաչի և կարմիրի ետևում:

Շոտլանդիայի երկնքում նարնջագույն փայլը առաջացել է կարմիրի և կանաչի խառնուրդից: Դա հնարավոր է միայն այն դեպքում, եթե կարմիր և կանաչ լույսի շերտերը կատարելապես համընկնեն, ինչը շատ հազվադեպ է պատահում: