«Ռուսաստանը հուսով է, որ Հայաստանը ժամանակի ընթացքում կվերսկսի լիարժեք մասնակցությունը ՀԱՊԿ-ին»․ Պեսկով

ՌԴ նախագահի խոսնակ Դմիտրի Պեսկովը հայտնել է՝ Ռուսաստանը հույս ունի, որ Հայաստանը ժամանակի ընթացքում կվերսկսի լիարժեք մասնակցությունը ՀԱՊԿ-ի գործունեությանը, փոխանցում է ТАСС-ը։ Կրեմլի ներկայացուցիչը նշել է, որ Հայաստանի դիրքորոշումը քաջ հայտնի է. «Մենք չենք կարող ամեն ինչում համաձայնել։ Բոլոր երկրները միակարծիք են դաշինքի հետագա ամրապնդման և զարգացման հարցում։ Հուսով ենք, որ հենց այս ճանապարհով կգնանք առաջ, և մեր հայ ընկերները ժամանակի ընթացքում կվերանայեն իրենց մոտեցումը՝ ի նպաստ կազմակերպության ընդլայնված մասնակցության»,- եզրափակել է նա։